ناوی وەرزشوانێکی ئێران کەوتە ڕیزی ٦ گۆڵکاری ھەڵکەوتەی جیھانەوە
ئاب 23, 2022 14:47 Asia/Tehran
«مەھدی تارمی» ھێرشبەری تیپی نیشتیمانیی تۆپی پێی ئێران کەوتە ڕیزی ٦ گۆڵکاری ھەڵکەوتەی جیھانەوە.
بەپێی ڕاپۆرتی ھەواڵدەریی ڕادیۆو تەلەفزیۆنی ئێران، ماڵپەڕی "TheFreeFootball" لە پۆرتۆگال کە ئاماری یاریزانانی تۆپی پێی جیهان دەخاتە ڕوو، ئەمڕۆ سێشەممە ناوی ئەو یاریزانانەی ئاشکرا کرد کە زۆرترین گۆڵیان بۆ یانەکان و هەڵبژاردەکانی ساڵی ٢٠٢٢ تۆمار کردووە.
ئەم ماڵپەڕە ڕایگەیاندووە، «مەهدی تارمی» ھێرشبەری تۆپی پێی تیپی نیشتیمانیی ئێران و ئەندامی یانەی پۆرتۆ ناوی کەوتووەتە لیستی گۆڵکارانی ساڵی ٢٠٢٢ەوە.
«تارمی» بە تۆمارکردنی ٢٢ گۆڵ لە ساڵی ٢٠٢٢ بۆ تیپی نیشتمانیی ئێران و یانەی پۆرتۆ، لە پلەی شەشەمی ئەم لیستەدایە و پێش یاریزانانی وەک هاری کەین «کاپتنی هەڵبژاردەی ئینگلتەرا و یانەی تۆتنهام» و ئێرلینگ هۆڵاند «هێرشبەری مانچستەر سیتی» کەوتووە.
