کەیرۆش: ئەمڕۆ گەڕاینەوە بۆ ڕەگ و ڕیشەی خۆمان
ڕاهێنەری هەڵبژاردەی تۆپی پێی ئێران وتی: لە تیپەکەماندا یەکێتییەکی باش پێکھات و ئەمڕۆ گەڕاینەوە بۆ ڕەگ و ڕیشەی خۆمان.
تیپی نیشتیمانیی ئێران لە دووهەمین یاریی خۆی لە مۆندیالی 2022ی قەتەر لە بەرامبەر وێڵزدا بە ئەنجامی 2-0 سەرکەوتنی تۆمار کرد.
بە پێی ڕاپۆرتی ئیرنا، «کارلۆس کەیرۆش» ڕاهێنەری هەڵبژاردەی تۆپی پێی ئێران لە پرێس کۆنفرانسێکدا دوای سەرکەوتن بە سەروێڵزدا وتی: دەرەنجامێکی باشمان لەم کێبەرکێیەدا دەست کەوت و شیاویشی بووین، ئێمە لە وێڵز باشتر بووین و دەمانتوانی گۆڵی زیاتریش تۆمار بکەین.
ڕاهێنەری هەڵبژاردەی تۆپی پێی ئێران وتیشی: ئێمە ئەمڕۆ ئەزموونەکانی خۆمانمان بەکار هێنا و لە ئێستادا خۆمان بۆ سەرکەوتن بە سەر ئەمریکادا ئامادە دەکەین.
«کەیڕۆش» هاندەرانی ئێرانیشی بەرز نرخاند و وتی: بە سەرنجدانی ئەزموونی چەندین ساڵەم لە تۆپی پێدا، ئەمڕۆ هەستم کرد لە یاریگایەکی ڕاستەقینەدام.
یاریی داهاتووی تیپی نیشتیمانیی ئێران لە ھەمبەر ئەمریکادا دەبێت کە ڕۆژی سێ شەممەی داھاتوو ئەنجام دەگرێ.
