قۆناغەکانی کۆتایی خولی نەتەوەکانی ئەوروپا تیروپشک کرا
کانونی دوھەم 26, 2023 05:03 Asia/Tehran
قۆناغی پێش کۆتایی خولی نەتەوەکانی ئەوروپا تیروپشک کراو چوار هەڵبژاردەی سەرەکی ئەوروپا ڕکابەرەکانیان ناسی.
بەپێی هەواڵێکی ئاژانسی فارس، لەم قۆناغەدا هەڵبژاردەی کرۆڤاتیا ڕووبەڕووی هۆڵەندا دەبێتەوە، ئیتاڵیا و ئیسپانیاش ململانێیەکی گەورەی دیکەیان لە تۆپی پێی ئەوروپادا دەبێت.
یەکەم یاریی نێوان هۆڵەنداو کرۆڤاتیا لە ١٤ی ژوئەنەوە (٢٤ی جۆزەردانی ١٤٠٢) لە یاریگای «دیکۆیپ» لە شاری ڕۆتەردام بەڕێوەدەچێت و یاریی ئیتاڵیاو ئیسپانیاش لە ١٥ی ژوئەن لە یاریگای «دی خولش ڤیستە»ی شاری «ئەنسەخەندە» بەڕێوەدەچێت.
یاریی کۆتایی ڕۆژی ١٨ی ژوئەن لە شاری ڕۆتەردام بەڕێوەدەچێت و یاریی ڕیزبەندیش لە هەمان ڕۆژدا لە «ئەنسەخەندە» بەرپا دەکرێت.
لە دوو گەڕی پێشووی ئەم پاڵەوانێتییەدا، تیپەکانی پورتوگال و فەرەنسا گەییشتنە پلەی پاڵەوانێتی.
