وەزیری وەرزش و لاوانی ڕووسیا گەییشتە تاران
وەزیری وەرزش و لاوانی ڕووسیا بە مەبەستی دیدار و ڕاوێژ لەگەڵ بەرپرسانی وەرزشی ئێران گەییشتە تاران.
«ئۆلێگ ماتیتسین» وەزیری وەرزش و لاوانی ڕوسیا ئەمڕۆ چوارشەممە گەیشتە تاران.
بە پێی ڕاپۆرتی ئیرنا، ڕێوڕەسمی پێشوازیی فەرمی لە وەزیری وەرزشی ڕووسیا بە ئامادەبوونی «سەیید حەمید سەجادی» وەزیری وەرزش و لاوانی ئێران بەڕێوە چوو.
وەزیری وەرزشی ڕوسیا بڕیارە سەردانی گڵکۆی شەهیدانی ونی وەزارەتی وەرزش بکات و تاجە گوڵینەیەک پێشکەشی ئەو شەهیدە بەنرخانە بکات.
دوای ئەوە کۆبوونەوەی دوو قۆڵیی وەزیرانی وەرزشی ئێران و ڕووسیا بەڕێوە دەچێت.
لە پاشان وەزیری وەرزشی ڕووسیا سەردانی بەشێک لە فیدراسیۆن و دامەزراوە وەرزشییەکانی ئێران دەکات.
ئەمە یەکەمجارە وەزیری وەرزش و لاوانی ڕووسیا سەردانی ئێران دەکات.
واژۆکردنی یاداشتنامەی لێکتێگەییشتن سەبارەت بە هاوکاریی دوو قۆڵی و سەردانی هەندێک شوێنی وەرزشی لە ئێران لە پلانەکانی وەزیری وەرزشی ڕووسیا لە گەشتە یەک ڕۆژەکەی بۆ ئێران دەبێت.
