بەشداریکردنی کورتە فیلمێکی ئێرانی لە فێستیڤاڵی فیلمی «سان لوییس» لە ئەمریکا
شوبات 25, 2023 22:00 Asia/Tehran
کورتە فیلمی ئێرانیی «دۆشەک» هاتە گەییشتە بیست و نۆھەمین خولی فێستیڤاڵی فیلمی سان لویس لە ئەمریکا.
بە پێی ڕاپۆرتی ئیرنا، لە پوختەی کورتە فیلمی «دۆشەک»ی ئێرانی لە نووسین و دەرهێنان و بەرهەمهێنانی «ئارەش حەسەنپوور»دا هاتووە: دۆشەکێکی تەڕ کە پەڵەیەکی زەردی لەسەرە، لە بەرتارمەی ماڵی «موحسین» کە کوڕێکی ھەشت ساڵانە هەڵواسراوە ھەتا وشک بێتەوە. ئەوە دەبێتە هۆی بەهەڵە تێگەییشتن بەجۆرێک کە هاوکایەکانی گاڵتەی پێدەکەن و حوکمی لەسەر دەدەن. بەڵام «موحسین» دەیەوێت بڕیارێکی گرنگ بدات و سەر ترسەکانی دا باز بدات.
فێستیڤاڵی نێودەوڵەتیی فیلمی «سان لوییس -SLOIFF» یەکێکە لە گرنگترین کۆڕەجێژنەکانی فیلم لە ئەمریکادا، کە هەموو ساڵێک لە شاری «سان لوییس ئۆبیسپۆ»ی ویلایەتی کەڵیفۆڕنیا بەڕێوەدەچێت.
٢٩بیست و نۆھەمین خولی ئەم فێستیڤاڵە لە ٢٥ تا ٣٠ی ئاپریل بەڕێوەدەچێت.
