هەڵکرانی گەورەترین ئاڵای ئێران بە بۆنەی ڕۆژی کۆماری ئیسلامییەوە
بە بۆنەی ڕۆژی کۆماری ئیسلامی، گەورەترین ئاڵای کۆماری ئیسلامیی ئێران لە تاران هەڵکرا.
دوای سەرکەوتنی شکۆمەندانەی شۆڕشی ئیسلامی بە ڕابەرایەتیی ئیمام خومەینی (رە) لە مانگی خاکەلێوەی ساڵی ١٣٥٨ی کۆچیی ھەتاوی (١٩٧٩ی زایینی)، گشتپرسی و ڕیفراندۆمی کۆماری ئیسلامی لە سەرتاسەری ئێران بەڕێوەچوو.
بە پێی ئەنجامی ئەم گشتپرسی و ڕیفراندۆمە کە لە ١٢ی خاکەلێوەی ساڵی ١٣٥٨ی کۆچیی ھەتاوی (١ی ئاپریلی ١٩٧٩) ڕاگەیەندرا، زیاتر لە سەدا ٩٨ی ئەو کەسانەی کە مافی بەشداریی ڕیفراندۆمەکەیان هەبوو، ڕەزامەند بوون بە دامەزرانی کۆماری ئیسلامی.
بەم بۆنەیەوە ڕۆژی ١٢ی خاکەلێوە لە ساڵنامەی ئێراندا وەک ڕۆژی کۆماری ئیسلامیی ئێران ناودێر کراوە.
بە پێی ڕاپۆرتی ڕۆژی شەممەی هەواڵدەریی میهر؛ بە بۆنەی ڕۆژی کۆماری ئیسلامییەوە گەورەترین ئاڵای ئێران لەسەر بەرزترین تاوەری ئاڵا لە ڕۆژئاوای ئاسیا هەڵکرا.
هەروەها به بۆنەی ڕۆژی کۆماری ئیسلامی له ناوچه جیاجیاکانی ئێرانی ئیسلامیش دا زۆر بەرنامەی تایبەت بەڕێوه چوو.
