ڕۆژی ڕابردوو لە ناوچەیەکی سەربە پارێزگای کوردستان لە ڕۆژئاوای ئێران پێشبڕکێی بەلەمەوانی لە ئامێزی چۆمە توڕەو خرۆشاوەکاندا بەڕێوە چوو.

ئێوارەی ڕۆژی پێنجشەممە (٢١ی گوڵانی ١٤٠٢ی کۆچیی ھەتاوی) لە شاری کامیارانی سەربە پارێزگای کوردستان بە ناوەندایەتیی شاری سنە پێشبڕکێی بەلەمەوانیی سەرتاسەری وڵات لە چۆمە خرۆشاوەکانی ئەم ناوچەیە دەستی پێکرد.

زیاتر لە ٧٠ وەرزشوان لە دووبەشی ژنان و پیاوان، لە شێوەی ١٥ تیم کە نوێنەرایەتیی ١٢ پارێزگای جیاجیای ئێرانیان دەکرد، لە ھەردووک بەشەکەی ژنان و پیاوانی ئەم پێشبڕکێ ناوازەیەدا بەشدارییان کرد.