پەردەلادان لەسەر جامی جیهانیی باسکە بۆ ساڵی ٢٠٢٣ لە مەیدانی ئازادیی تاران
May 13, 2023 03:14 Asia/Tehran
گەشتی پاڵەوانێتیی جامی جیهانیی باسکە بۆ ساڵی ٢٠٢٣ لە ئێران و لە مەیدانی ئازادیی تارانەوە دەستی پێکرد.
بە پێی ڕاپۆرتی ئیرنا؛ جامی جیهانیی باسکە بۆ ساڵی ٢٠٢٣ دەگوازرێتەوە بۆ ئەو وڵاتانەی کە مۆڵەتی بەشداریکردنیان لەم چالاکییەدا وەرگرتووە و لەم پێوەندییەدا ڕۆژی (پێنجشەممە) جامی جیهانیی باسکە لە لایەن نوێنەری فیبا (فیدراسیۆنی جیھانیی باسکە) گەییشتە ئێران.
گەشتی مۆندیال لە مەیدانی ئازادیی تارانەوە دەستی پێکرد و ئەم جامە لە تەنیشت ئەم مەیدانەدا نمایشکرا.
«موحسین موعیزیفەر» سکرتێری گشتیی فیدراسیۆنی باسکەی ئێران و «شانگ ژوبین» نوێنەری فیبا لە ئاھەنگی کەوتنەگەڕی گەشتی جامی جیهانیی باسکە بۆ ساڵی ٢٠٢٣ ئامادە بوون.
هەڵبژاردەی باسکەی ئێران لە کۆمەڵەی حەوتەمی جامی جیهانیی باسکە لەگەڵ ئیسپانیا، بەرازیل و ساحیلی عاج دایە.
