گۆڕدرانی لۆگۆی لالیگا دوای 3 دەیە
حوزه‌یران 06, 2023 07:34 Asia/Tehran
ڕێکخراوەی خولی تۆپی پێی ئیسپانیا ھێمای ئەم یارییانەی بۆ وەرزی داهاتوو گۆڕی.
هێمای یەکەمین خولی تۆپی پێی ئیسپانیا (لالیگا) بە شێوەیەکی جیاواز لە وەرزی داهاتوودا نمایش دەکرێت.
ئەم هێمایە ھەتا ئەمڕۆ بە شێوەی چەرخێکی حەوت ڕەنگ کە تۆپێک لە ناوەڕاستی دایە، ناسرابوو، بەڵام لە وەرزی داهاتووەوە بە دوو پیتی "ئێڵ" وەک کورتکراوەی دوو وشەی «لا» و «لیگا» و ھەڵبەت ناوە تۆکمەکەشی بە ڕستەیەکی سوور بەدی دەکرێت.
لۆگۆی پێشووی لالیگا تەمەنی 30 ساڵە، لە هەمان کاتدا خولە بەناوبانگەکانی تری تۆپی پێی ئەوروپا لەوانە (پریمەرلیگ)ی ئینگلتەرا و (لوشامپیۆنە) و (دەستەی ئەی) لەم چەند ساڵەی دواییدا گۆڕانکارییان لە لۆگۆی کێبەرکێکانیان بەدی ھێناوە.
