وەرزشکارانی ئێرانی توانیان بۆ جاری نۆیەم پاڵەوانیی هاکی ناوهۆڵی ئاسیا بەخۆتەرخان بکەن
May 26, 2024 11:16 Asia/Tehran
وەرزشوانانی هاکی ناوهۆڵی کۆماری ئیسلامیی ئێران، بۆ جاری نۆیەم لەسەر سەکۆی پاڵەوانیی کێبەرکێ ئاسیاییەکان ڕاوەستان.
لەدوایاریی پێشبڕکێکانی هاکیی ناوهۆڵی ئاسیا بەمیوانداریی وڵاتی قەزاقستان، هەڵبژاردەی ئێران توانی بە ئەنجامی حەوت بە یەک، لە هەڵبژاردەی مالزیا بباتەوەو بۆجاری نۆیەم پاڵەوانەتی کێبەرکێکان بکا بە جەژن.
وەرزشکارانی هاکیی کۆماری ئیسلامیی ئێران لە قۆناخی گرووپیی ئەو پێشبڕکێیانە، لە تیمەکانی سەنگاپور، تایلەند، تاجیکستان و قەزاقستانیان بردەوەو لەگەڵ مالزیاش بەئەنجامی یەکسان کۆتاییان بەو قۆناخەی یارییەکان هێنا.
بەپێی هەواڵێکی دیکە، وەرزشوانێکی مەلەی کۆماری ئیسلامیی ئێران لە پێشبڕکێکانی مەلەی ئازادی مالزیا، توانی ریکۆردی نیشتمانیی ماددەکانی٤٠٠و١٥٠٠مەتری ئازادی بگۆڕی.
