چوار تیمی کۆتایی کاپی گەلانی ئەورووپا دیاری کران
قۆناغی یەک چوارەمی فیناڵی ڕکابەرایەتییەکانی کاپی گەلانی ئەورووپا کۆتایی هات و چوار تیم هاتنە سەرەوە بۆ ڕکابەرایەتی لە قۆناغی پێشفیناڵ.
بەم پێیە، تیمەکانی فەرەنسا، ئیسپانیا، هۆڵندا و ئینگلیز کە پێش دەسپێبوونی ئەم ڕکابەرایەتییەیش لە ڕیزی ئەو تیمانەیدا بوون خۆیان بە براوە و پاڵەوان دادەنا، چوار تیمەکەی قۆناغی پێشفیناڵ دێنە ئەژمار.
لە نێو ئەم تیمانەدا جێی خاڵیی ئەڵمان لە قۆناغی پێشفیناڵ وەکوو میوانداری ڕکابەرایەتییەکە گەلێک هەست پێ دەکرێ، ئەڵمانێکی بەهێز کە ئیسپانیا شکستی پێهێنا، هەروەها دۆڕانی تیمی لێهاتووی پۆرتوگالیش لە زەبری پناڵتی بەرامبەر بە فەرەنسا بۆ هۆگرانی ئەم تیمە و بەتایبەت لایەنگرانی ڕۆنادڵدۆی کاپتانی، لە دیارنەبوونی هەر تیمێکی دیکە زیاتر هەست پێ دەکرێ.
شایانی باسە ١٩ی پووشپەڕ کاتژمێر ٢٢:٣٠ تیمی ئیسپانیا لەگەڵ فەرەنسا دەچێتە مەیدانەوە و ٢٠ی پووشپەڕیش کاتژمێر ٢٢:٣٠ تیمی هۆڵندا لەگەڵ تیمی ئینگلیز یاری دەکا
