یەکەم میداڵیای جیهانیی والیباڵی ساحلیی ئێران
تیمی هەڵبژاردەی والیباڵی قەراخاویی تەمەن ژێر نۆزدە ساڵی ئێران لە یاریی ڕیزبەندیی ڕکابەرایەتییەکانی پاڵەوانەتیی جیهاندا لە تیمی هەڵبژاردەی مەکزیکی بردەوە و میداڵیای برۆنزی ئەم ڕکابەرایەتییەی بە خۆ تەرخان دا.
تیمی هەڵبژاردەی والیباڵی قەراخاویی تەمەن ژێر نۆزدە ساڵی ئێران لە قۆناغی بەراییدا توانی بە شکستپێهێنانی هڵبژاردەکانی ئەمریکا، ئۆسترالیا و تایلەند وەکوو بانترین تیمی گرووپ ڕاستەوخۆ بچێتە قۆناغی یەک هەشتەمی فیناڵەوە.یاریزانانی ئێرانی لە قۆناغی یەک هەشتمیشدا لە هەڵبژاردەی شیلییان بردەوە و لە قۆناغی یەک چوارەمی فیناڵیشدا توانیان پۆڵندا شکست پێ بێنن.
والیباڵیستەکانی ئێران لە یاریی پێشفیناڵدا بەرامبەر بە لێتۆنی دایاننا و لە ئاکامدا بە بردنەوە لە مەکزیک میداڵیای برۆنزی ڕکابەرایەتی تەمەنی ژێری نۆزدە ساڵی پاڵەوانەتیی جیهانیان بە خۆ تەرخان دا.
ئەوە یەکەم جارە کە تیمی والیباڵی ساحلیی ئێران لە ڕکابەرایەتیی پاڵەوانەتیی جیهاندا میداڵیا دەباتەوە.
