«شێخ سەبری» داوای پشتیوانی لە دیلەکان و مزگەوتی ئەقسا دەکات
وتارخوێنی مزگەوتی ئەقسا داوای لە هەموو نەتەوەی فەلەستین کرد کە پشتیوانی لە دیلەکانی فەلەستینی و یەکەمین قیبلەی موسڵمانان بکەن لە بەرامبەر داپڵۆساندن و تاوانکارییەکانی داگیرکەرانی ئیسرائیلی.
بە پێی ڕاپۆرتی ناوەندی ڕاگەیاندنی فەلەستین، «شێخ عەکرەمە سەبری» ڕۆژی چوارشەممە جەختی لەوە کردەوە کە ڕێکخراوەکانی مافی مرۆڤ نابێ چاویان لە ھەمبەر دڕندایەتی و تاوانکارییەکانی ڕژیمی زایۆنی بنووقێنن.
«شێخ سەبری» ڕاشیگەیاند کە داپڵۆساندنی دیلەکانی فەلەستین دوایین دڕندایەتیی و تاوان و پێشێلکردنی ئاشکرای هەموو یاسا و بەها مرۆڤییەکانە.
وتارێژی مزگەوتی ئەقسا جەختی لەوەش کردەوە کە سیاسەتی سزادانی بەکۆمەڵ بۆ دیلەکان سیاسەتێکی نوێ نییە و پەرەسەندنی تاوانەکان بەرامبەر بە دیلە فەلەستینییەکان، بەرزبوونەوەی ڕق و کینە و تاوانکاریی دوژمنی زایۆنی دەگەیەنێت.
مزگەوتی ئەقسا وەک هێمای سەرەکیی ناسنامەی ئیسلامی – فەلەستینیی شاری قودس هەمیشە ئامانجی کردەوەی تێکدەرانەی ڕژێمی داگیرکەری قودس بووە.
