حەماس: ڕاوێژکاری ئاسایشی نیشتمانیی ئەمریکا بە ئیدیعای جێهێشتنی دانوستانەکان لەلایەن حەماسەوە، گاڵتەی بەگشت جیهان کردووە
ئەندامێکی مەکتەب سیاسیی حەماس پێی داگرت؛ "جەیک سالیوان"ی ڕاوێژکاری ئاسایشی نیشتمانیی ئەمریکا بە داواکردن لە گەلانی جیهان بۆ ڕازیکردنی حەماس بەمەبەستی گەڕانەوە بۆ دانوستانەکان و ڕەزامەندیی دەربڕین لەگەڵ ڕێککەوتننامەی ئاگربەس، گاڵتەی بەگشت جیهان کردووە.
"عیزەت ئەلڕەشق" لەوبارەوە وتی: گشت جیهان ئاگادارە کە حەماس خۆی نەبواردووە لە ئامادەبوون لە هیچکام لە خولەکانی دانوستانی ئاگربەس و لەگەڵ ڕێککەوتننامەی پێشنیارکراویش ڕەزامەندیی دەربڕی، ئەوە لە کاتێکدایە کە رژیمی زایۆنیستی هەردەم خۆی دزیوەتەوە لە خولە جۆربەجۆرەکانی دانوستان. ئەو رژێمە لەجیاتی وەڵامدانەوە بە لایەنە ناوبژیوانەکان، هێرش بۆسەر شاری رەفەحی دەسپێکرد و گرژیی لە باکوری کەرتی غەززەی تاوپێدا.
ئەو ئەندامەی مەکتەب سیاسیی حەماس لەکاردانەوە بە ئیدیعای سالیوان، ڕاوێژکاری ئاسایشی نیشتمانیی ئەمریکا کە کردەکانی رژێمی زایۆنی بە ژینۆساید نەزانیبوو، وتی: ئەو جۆرە هەڵوێست گرتنە لەلایەن کەسانێکی کوێر و بێ ئاگاوە، پێش بینی کراو بوو چونکە ئەوان بەتەواوەتی هاوبەشن لە کوشت و بڕ و ژینۆسایدی خەڵکی بێتاوان لە غەززە.
جەیک سالیوان سەرباری کوشتاری زیاتر لە٣٥هەزار فەلەستینی لە غەززە، وتی کە دەوڵەتی بایدن، کوشت و بڕی فەلەستینیان لە غەززە لەلایەن رژێمی ئیسرائیل، بە ژینۆساید نازانێ.
