نەتەوە یەکگرتووەکان: دوژمنایەتیی بێبڕانەوە سیستەمی تەندرووستیی غەززەی تیابردووە
وتەبێژی ڕێکخراوی نەتەوە یەکگرتووەکان ڕایگەیاند کە فەرمانە بەردەوامەکانی چۆڵکردن و دوژمنایەتییە بێبڕانەوەکان، سیستەمی تەندرووستیی غەززەی تەواو تیابردووە.
ستێفان دووجاریک وتی: دەسڕاگەیشتن بە ڕاژەکاریی پێویست گەلێک دژوار بووە بۆ ئەو کەسانەی کە چەندین جار لە غەززە ئاوارە بوونە. ناوبراو وتیشی: هەروەها نووسینگەی ڕێکخەری کاروباری مرۆڤدۆستانەی نەتەوە یەکگرتووەکان وشداری داوە چالاکانی مافی مرۆڤ و فریاگوزارانی یارمەتییە مرۆڤدۆستانەکان لە غەززە ئێستایش مەترسیگەلێکی گەورەیان لەسەرە و گیانیان لە مەترسیدایەوە. وتەبێژی ڕێکخراوی نەتەوە یەکگرتووەکان وتی: ڕۆژی ڕابردوو کاروانێکی پێکهاتوو لە هاوکارانی ئێمە لە ئانڕوا لە کاتێکدا بەرەو باکووری شاری غەززە دەڕۆیشتن، لە لایەن هێزی ئیسراییلییەوە هێرشیان کرایە سەر.وتەبێژی ڕێکخراوی نەتەوە یەکگرتووەکان وتیشی: تیابردنی ژێرخانەکان، کەمبوونی کارەبا و سووتەمەنی، لەبەردەستدا نەبوونی پارچەگەلی پێویست، ئێستایش هەر تەگەری سەر ڕێگای پرۆسەی بەرهەمهێنان پاڵاوتنی ئاو و پۆمپاژی ئاوەڕۆیە.
