SAHAR

مەحموود بەسەل وتەبێژی ناوەندی فریاگوزاریی غەززە لە پەیامێکدا ڕوو لە وڵاتانی ئیسلامی و عەرەبی نووسی: لێتان خۆش نابین لەبەر خەیانەت و کەمتەرخەمییەکانتان.

مەحموود بەسەل وتەبێژی ڕێکخراوی بەرگریی شارستانیی غەززە ( ناوەندی فریاگوزاری) ڕوو لە ئۆمەتی ئیسلامی و عەرەبی نووسی: لێتان خۆش نابین لەبەر خەیانەت و کەمتەرخەمییەکانتان. ناوبراو وتیشی: پەیامی من بۆ ئۆمەتی ئیسلامی و عەرەبی ئەمەیە: زیاتر لە ٤٠٠ ڕۆژە کە کوشت و کوشتار لە غەززە بەردەوامە و ئێوە هەر بێدەنگن، من ئەوە لە ڕووی لاوازییەوە ناڵێم، بەڵکوو لە ڕووی لێهاتوویی و خۆڕاگری و پشوودرێژییەوە دەڵێم کە لەبەر خەیانەت کردنتان بە ئێمە، لێتان خۆش نابین.

مەحموود بەسەل وتیشی: هەر دڵۆپە خوێنێک کە دەڕژێ لە ئەستۆی ئێوەیە و ئەم ڕژێمە داگیرکەرە تەنیا لەبەر بێدەنگە کردنی ئێوەیە کە ئاوا هار و سەرەڕۆ بووە.