غەززە سەرزەوینێکی فەلەستینییە و خەڵک قەت لێی دەرناکەون
وتەبێژی بزووتنەوەی حەماس لە کاردانەوە بەرامبەر قسەکانی ترامپ سەبارەت بە غەززە وتی : قسەکانی ترامپ بە تەواوی ڕەت کراوەیە و غەززە هی دانیشتوانیەتی. فەلەستینییەکان قەت ئەم ناوچەیە بە جێ ناهێڵن.
حازم قاسم ، وتەبێژی حەماس لە وتووێژێک دا کاردانەوەی پیشان دا بەرامبەر قسەکانی دونالد ترامپی و ڕایگەیاند کە قسەکانی ترامپ سەبارەت بە وەرگرتنی کەرتی غەززە بە مانای داگیرکردنی ئەم ناوچەیە و ئێمە پێویستمان بە هیچ وڵاتێک نییە بۆ بەرەوپێش بردنی کاروباری غەززە و هێزی داگیرکەری جێگیر قەبووڵ ناکەین.
حازم قاسم وتیشی:نیگەرانیگەلێک سەبارەت بە کەڵک وەرگرتنی ناڕەوای ڕژێمی زایۆنیستی لە قسەکانی ترامپ بۆ درێژکردنەوەی شەڕی غەززە، لە ئارادایە.
ناوبراو داوای لە کۆمەڵگەی عەرەبی کرد لەبەرامبەر ئەم هەوڵانە بوەستن و وێڕای گوشارخستنە سەر ترامپ لەسەر نەیاریەتی خۆیان بەرامبەر دەرکردنی فەلەستینییەکان ، مکۆڕ بن .
هەرلەم حاڵەدا شارومەندانی غەززە وێڕای ڕاگەیاندنی نەیاریەتی بەبڕشتانەی خۆیان بەرامبەر گەڵاڵەکەی دونالد ترامپی سەرۆکی ئەمریکا بۆ کۆچاندنی زۆرەملێی خەڵکی غەززە بەرەو وڵاتێکی تر، پێداگرییان کرد کە سەرباری هەموو گێرەوکێشەکان و ڕەوشی دژواری ژیان ، هەرلەم ناوچەیە دەمێننەوە.
سەرباری بارودۆخی دژوارونالەباری خەڵکی غەززە لەبەر با و بارانی توند و ئەو هەموو ڕەنج و کوێرەوەرییە ، بنەماڵە فەلەستینییەکان وڵامیان ئەمەیە کە لە ئەم نیشتمانە پاکە دەست ناکێشن و ئەم کۆچە زورەملییە قەبووڵ ناکەن .
