ژمارەی شەهیدانی غەززە بۆ ٦٢ هەزار و ١٩٢ کەس بەرزبووەوە
وەزارەتی تەندرووستی فەلەستین لە غەززە ڕایگەیاند کە دەیان فەلەستینی دیکە لە پەلاماری هێزەکانی رژێمی زایۆنیی بۆ سەر ناوچەکە شەهید بوون و ژمارەی شەهیدان لە سەرەتای شاڵاوەکەوە ، گەیشتە ٦٢ هەزار و ١٩٢ کەس
وەزارەتی تەندروستی فەلەستین هەروەها ڕایگەیاند کە لە ماوەی ٢٤ کاتژمێری ڕابردوودا ٧٠ شەهید و ٣٥٦ بریندار بۆ نەخۆشخانەکانی کەرتی غەززە گواستراونەتەوە. بەم شێوەیە ژمارەی شەهیدانی تاوانە زایۆنیستییەکان لە کەرتی غەززە گەیشتە ٦٢ هەزار و ١٩٢ کەس. لە هەمان کاتدا ڕێکخراوە نێودەوڵەتییەکان ڕایانگەیاند کە بۆ یەکەمین جار لە ڕۆژهەڵاتی ناوەڕاستدا قەیرانی برسییەتی لە کەرتی غەززە پشتڕاست دەکەنەوە و ئەم برسێتییە دەرئەنجامی ڕاستەوخۆی کردەوەکانی ڕژێمی زایۆنیستییە. کۆمیساری گشتی ئانڕوا هەروەها ڕاگەیاندنی فەرمی قەیرانی برسێتی لە شاری غەززەی بە نیگەرانییەکی قووڵ زانی و جەختی لەوە کردەوە کە ئەم برسێتییە دەرئەنجامی ڕاستەوخۆی کردەوەکانی ڕژێمی زایۆنیستییە .
