ژۆماری شەهیدانی غەززە گەیشتە ٧٢هەزار و حەفتا كەس
شوبات 21, 2026 17:52 Asia/Tehran
لە درێژەی پەلامارەكانی دڕندانەی ڕژێمی زایۆنی بۆ سەر كەرتی غەززە سەرباری بوونی ئاگربڕ لەو ناوچەیە ژۆماری شەهیدەكان بەرزبووەوە .
وەزارەتی تەندروستیی غەززە ڕایگەیاند كە لە ماوەی ٤٨ كاتژمێری ڕابردوودا كەسێك لەو ناوچە شەهید و دە كەسیش بریندار بوون بەم جۆرە ژوماری شەهیدانی غەزە گەیشتووەتە 72 هەزار و هەفتا كەس .
لە كاتی ڕاگەیندرانی ئاگربڕ لە غەززە لە یازدەی ئوكتوبری 2025 تا ئێستا 612 كەس شەهید و هەزار و 640 كەسی دیكەش بریندار بوون و لەم ماوەیەدا تەرمی حەوتەسد و بیست و شەش شەهیدیش دۆزراوەتەوە.
ئاژانسی فریاگوزاری و كار دیتنەوەی ڕێكخراوی نەتەوە یەكگرتووەكان بۆ ئاوارەكانی فەلەستینی ئانڕواش ڕایگەیاند كە دۆخی كەرتی غەززە هەروا قەیراناویە و ڕژێمی زایونی هەروا لەمپەر دەخاتە بەردەم گەیشتنی یارمەتیە مرۆییەكان بۆ ناو ئەو ناوچەیە .
