ژومارێک لە چالاکوانان و ناڕازییانی تایلەندی بە گردبوونەوە لەبەردەم باڵیۆزخانەی رژیمی زایۆنیستی لە بانکۆکی پایتەختی ئەو وڵاتە، وێڕای راگەیاندنی هاودەنگی لەگەڵ گەلی فەلەستیندا، خوازیاری راگرتنی کوشت و بڕی خەڵکی سیڤیل، کۆتایی توندوتیژییەکان و ڕاگەیشتنی خێرا بە دۆخی مرۆیی لە سەرزەوینە فەلەستینیەکان بوون.

ژومارێک لە چالاکوان و ناڕازیانی تایلەندی لە بەردەم باڵیۆزخانەی رژیمی زایۆنیستی لە بانکۆک کۆبوونەوە و نیگەرانی خۆیان لە بەردەوامیی توندوتیژی و سەختی بارودۆخی ژیانی گەلی فەلەستین دەربڕی و جەختیان لەسەر پێویستی پاراستنی خەڵکی مەدەنی و ڕێزگرتن لە بنەماکانی مافی مرۆڤ و یاسا نێودەوڵەتییەکان کردەوە. ناڕازییان هەروەها داوایان لە ڕژێمی زایۆنیستی، ویلایەتە یەکگرتووەکانی ئەمریکا و وڵاتانی ئەوروپا کرد هەڵوێستی بەرپرسیارانە بگرنەبەر و ڕێوشوێنی کاریگەر بۆ ڕاگرتنی هێرش و توندوتیژی و کەمکردنەوەی ئازارەکانی گەلی فەلەستین و باشترکردنی بارودۆخی مرۆیی ناوچە زیانلێکەوتووەکان بگرنەبەر. بەشداربووانی گردبوونەوەکە داکۆکیکردن لە مافەکانی گەلی فەلەستین و پاراستنی کەرامەتی مرۆڤایەتییان، بە بەرپرسیارێتی هاوبەش بۆ کۆمەڵگەی نێودەوڵەتی زانی و لەسەر پێویستیی گرینگیدانی خێرا بە پێداویستییە مرۆییەکانی گەلی فەلەستین جەختیان کردەوە، گەلێک کە لە ئەنجامی ململانێی بەردەوامدا ڕووبەڕووی هەلومەرجی سەخت و لێکەوتەی مرۆیی بەربڵاو بووەتەوە. گردبوونەوەی بەردەم باڵیۆزخانەی رژیمی زایۆنی لە بانکۆک، سەلمێنەری ڕاگەیاندنی هاودەنگیی بەشێک لە چالاکوانان و هاووڵاتیانی تایلەندی بوو لەگەڵ گەلی فەلەستیندا؛ هەوڵێک کە تیایدا جەخت لەسەر وەستاندنی توندوتیژی و پاراستنی خەڵکی مەدەنی و هەوڵدان بۆ گەیشتن بە ئاشتییەکی دادپەروەر و بەردەوام کرایەوە.