خەڵکی بەحرەین شەوی سێ شەممە بە بەڕێوەبردنی خۆپیشاندان بەمەبەستی ناڕەزایەتی دەربڕین بەرامبەر بڕیاری ئەمریکا بە دژی قودس، ئاڵای ڕژێمی زایۆنیستییان ئاگر تێ بەردا .

بەپێی ڕاپۆرتی هەواڵدەریی فارس،  دانیشتوانی شارۆچکەی سەلمان ئابادی بەحرەین شەوی  ڕابردوو بەمەبەستی ناڕەزایەتی دەربڕین بەرامبەر  بڕیاری ئەمریکا سەبارەت بە ناساندنی  قودس وەک پێتەختی ڕژێمی زایۆنیستی ، خۆپیشاندانیان کرد  .

لە شارۆچکەی مەقشەعیش خۆپیشاندانێک بۆ نیشاندانی  هاوپشتی لەگەڵ شێخ  عیسا قاسم،  مامۆستای بەناوبانگی  بەحرەینی، نەیارەتی بەرامبەر ئاسایی کردنی پێوەندی ئالی خەلیفە لەگەڵ ڕژێمی  زایۆنیستی و هەروەها  پێداگری لەسەر  پێتەختایەتی قودس  بۆ فەلەستینییەکان، بەڕێوە چوو.

تۆڕی 14ی فڤرییەی بەحرەینیش  ڕایگەیاند  : لە ناوچەی دراز  شوێنی  دانیشتنی  شێخ عیسا قاسمیش  خۆپیشاندانێک بەڕێوە چوو و  تێکهەڵچوونی نێوان  هێزی ڕژێمی ئالی خەلیفە  و ناڕازیانی لێ کەوتەوە.

هەروەها لە دوو شارۆچکەی  بووسیبەع  و شاخورە ، خۆپیشاندانی هاوبەش  لەنیشانەی نەیارەتی بەرامبەر ئاسایی بوونی پێوندی نێوان ئالی خەلیفە  و ڕژێمی زایۆنیستی و  پێبەند بوون بەوەی قودس پێتەختی  فەلەستینییەکانە، بەڕ ێوە چوو  .