ئۆپراسیۆنی مووشەکیی سوپای یەمەن بۆسەر ژووری هەڵمەتی ئیمارات لە رۆژاوای ئەو وڵاتە
یەکەی مووشەکی و فڕۆکەی بێ فڕۆکەوانی سوپاو لێژنە جەماوەریەکانی ژووری هەڵمەتی هێزە ئیماراتیەکانی لە لێواری رۆژاوای ئەو وڵاتە، کردە ئامانج.
بەپێی ڕ اپۆری ماڵپەڕی کەناڵی ئەلمەسیرە' سوپاو لێژنە جەماوەریەکانی یەمەن، لە چەند ئۆپراسیۆن دژ بە بنکەو پێگەی بەکرێگیراوانی هاوپەیمانیی سەعوودی لەنزیک "هیلان" ی سەر بەشاری سەراوح لە مەئریب، ناوەندی یەمەن، یش خەسار و زیانی دراڤی و گیانی زۆری لە دەسدرێژکاران دا.
لەهەواڵێکی دیکەدا، "محەممەد عەلی حوسی" سەرۆکی کۆمیتەی باڵای شۆڕشی یەمەن لە توئیتێکدا بەئاماژە بە باری دژواری گوزەرانی خەڵکی ئەو وڵاتە نووسی: وڵاتانی جیهان بەرپرسن لەهەمبەر برسێتی خەڵکی یەمەندا کە هۆکارەکەی دەسدرێژیکردنی عەرەبستان و هاوپەیمانانی بەپاڵپشتیی ئەمریکایە.
بەقسەی"ستێفان ئەندرسۆن" بەرپرسی نووسینگەی بەرنامەی جیهانیی خۆراکی ڕێکخراوی نەتەوەکان(WFP) لە یەمەن، دوانزە ملوێن یەمەنی لەبەرمەترسی "قات و قڕی" دان.
پێشتر، "لیز گرەندی" ڕێکخەری کاروباری مرۆیی ڕێکخراوی نەتەوەکان لە یەمەن وشداری دا؛ درێژەی شەڕ لەو وڵاتە، کەم وێنەترین قات و قڕیی سەدە بەدی دێنێ.
شەڕخوازیی عەرەبستان و هاوپەیمانانی لە یەمەن تائێستا کوژرانی زیاتر لە چواردە هەزار یەمەنی، برینداربوونی دەیان هەزار کەس وئاوارەبوونی بەملوێنان یەمەنی لێکەوتووەتەوە.
