سەربازانی رژیمی زایۆنی شەپۆلێکی بەرفراوانی گرتن لە لێواری رۆژاوایی و کەرتی غەززەیان خستووەتەڕێ و زیاتر لە پەنجا فەلەستینیان قۆلبەست کرد.

بەپێی ڕاپۆری هەواڵدەریی "قودس پرێس"؛ سوپای رژیمی زایۆنی سەرلەبەیانی ئەمڕۆ دووشەمە بیست ونۆ کەسی لە لێواری رۆژاوا گرت و ئیدیعا کرا، ئەوان لەگەڵ هەوڵ و چالاکییە خۆڕاگرییەکان لەپەیوەندییدابوون.

بەپێی ئەو ڕاپۆرە، سوپای رژیمی زایۆنی بیست و شەش فەلەستینیشی لە قودسی داگیرکراو قۆڵبەست کرد کە لەنێویاندا، ژنێک، خوێندکارێک و دیلە ئازادکراوەکان بەرچاو دەکەوێ.

بەپێی ئامارەکان، پتر لە شەش هەزار فەلەستینی لە گرتووخانەکانی رژیمی زایۆنی، زیندانین.