وتەبێژی وەزاڕەتی تەندروستیی یەمەن رۆژی یەکشەممە رایگەیاند ، لانیکەم 800 منداڵی یەمەنی بە هۆی پەلامارەکانی هاوپەیمانیی سعودی تووشی کەمئەندامیی بوونە .

بەپێی راپۆرتی هەواڵدەریی فارس ، یوسف حازریی وتیشی ئەم منداڵانە بە هیچ جۆر ناتوانن بەڕێگادا بڕۆن و بجووڵێن  .

 وتەبێژی وەزاڕەتی تەندروستیی یەمەن هەروەها رایگەیاند ، نزیکەی سێ میلیۆن منداڵی ژێر 5 ساڵی یەمەنی لە ئەنجامی پەلامارەکانی سعودی و گەمارۆی یەمەن تووشی بەدخوراکیی بوونە .

 یونیسێفیش لەم دواییانەدا ڕەوشی مرۆیی لە یەمەنی بە کارەساتبار ناوبرد و جەختی کردەوە سیستمی تندروستیی و دەرمانی یەمەن بە هۆی پەلامارەکانی هاوپەیمانیی سعودی تێکڕماوە .

 نزیکەی 11 ملیۆن منداڵ لە یەمەندا دەژین کە نزیک بە هەموویان پیوستیان بە یارمەتیی مرۆییە .