بەرز بوونەوەی ژمارەی کوژراوان و بریندارانی تەقینەوەکەی «عەدەن» بۆ زیاتر لە ٧٠ کەس
کانونی یه‌که‌م 30, 2020 20:24 Asia/Tehran
ژمارەی کوژراوان و بریندارانی تەقینەوەکەی فڕگەی «عەدەن» گەییشتە ٧٢ کەس.
بە پێی ڕاپۆرتی کەناڵی مەیادین، ژمارەی کوژراوان و بریندارانی تەقینەوەکەی بەیانیی ئەمڕۆی فڕگەی «عەدەن» لە باشووری یەمەن بەرز بووەوەو ھەتا ئێستا ٢٢ کوژراوو نزیکەی ٥٠ برینداری لێ کەوتووەتەوە.
ھاوکات سەرچاوە ھەواڵدەرییەکانی یەمەن باسی ڕوودانی تەقینەوەیەکی قورسیشیان لە گردو پەڕی کۆشکی «مەعاشیق»ی عەدەن کردووە کە بنکەی دەوڵەتی «مەنسوور ھادی»یە.
ئەمڕۆ ھاوکات لەگەڵ گەییشتنی کابینەی تازەی دەوڵەتی لەکارکشاوەی یەمەن بە فڕگەی نێونەتەوەیی «عەدەن» لە باشووری ئەم وڵاتە، چەند تەقینەوەیەک لە فڕگەکەدا ڕووی دا.
