ئاگرکەوتنەوە لە پاڵاوگەیەکی رژێمی زایۆنی
May 01, 2021 12:06 Asia/Tehran
کەناڵی ئەلمەیادینی لوبنان شەوی رابردوو باسی روودانی ئاگرکەوتنەوە لە پاڵاوگەی حەیفای کرد .
لە هەمان کاتدا، میدیاکانی ئیسرائیلیش ڕاپۆرتیان دا کە ئاگرێکی بەربڵاو لە کارگەی BZN لە بەندەری حەیفا ڕوویداوە و دواتر کۆنترۆڵ کراوە.
بە پێی راگەیاندنی وەزارەتی پاراستنی ژینگەی ئیسرائیل ئەو ئاگرکەوتنەوە شەوی هەینی بەهۆی خەسار لە یەکێک لە بۆرییەکان ڕووی داوە.
بە پێی ئەو ھەواڵە، گرووپی ئۆپراسیۆنی بەپەلەی ئەو پاڵاوگەیە توانیان ئاگرەکە کۆنترۆڵ بکەن .
ئەو تەقینەوە لە حاڵێکدا روو دەدات کە لە هەفتەکانی ڕابردووش دا چەندین تەقینەوە لە نزیک بنکەی ئەتومیی دیمۆنا و تومەر ڕوویدابوو.
