سوپای ڕژێمی ئیسراییل: ئێمە بەرەوڕووی گەورەترین کێشەی دەروونین، لە ساڵی ١٩٧٣ بەملاوە
سوپای ڕژێمی زایۆنی بە داننان بەوەیدا کە هەزاران کەس لە هێزەکانی ئەم ڕژێمە لە دەسپێکی شەڕی غەززەوە بۆ چارەسەریی کێشە و گرفتی دەروونی ڕوویان کردۆتە تراپیست و سایکۆلۆژیست، ڕایگەیاند سوپای ئەم وڵاتە ئەمڕۆکە بەرەوڕووی گەورەترین کێشەی دەروونی لە ساڵی هەزارو نۆسەد و حەفتا و سێ بەم لاوە بۆتەوە.
دوابەدوای زۆر بوونی لەڕادەبەدەری ژماری کەسانی تووشبوو بە گرێی دەروونی لە دەسپێکی شەڕی غەززە بەملاوە، سوپای ڕژێمی زایۆنی دانی ناوە بەوەیدا کە سوپا ئەمڕۆکە بەرەوڕووی گەورەترین کێشە و تێکچوونی دەروونی لە ساڵی ١٩٧٣ بەم لاوە بۆتەوە.
«لوسیان لیۆر» سەرۆکی بەشی تەندرووستیی دەروونی سوپای ڕژێمی زایۆنی لە وتووێژێژکدا رایگەیاند کە نزیکەی هەزار و حەوتسەد سەربازی ئیسراییلی چارەسەرییان بۆ کراوە و دیسان گەڕاونەتەوە بۆ نێو هێزەکانی سوپا. هەروەها نزیکەی هەزار سەرباز و ئەفسەریش لەبەر نیشانەگەلێکی شۆک و پەشۆکان پێویستیان بە چارەسەرییەکی چڕ و پڕتر بووە و سەدی حەفتا و پێنجیان گەڕاونەتەوە بۆ نێو سوپا.
ئەم بەرپرسەی سوپای زایۆنی وتیشی: چاوەڕێی ئەوە دەکرێ پاش شەڕی غەززە هەژمارێکی زیاتریش لە هێزەکانی سوپا چارەسەری دەروونیان بۆ بکرێ لە نەخۆشخانە و ناوەندەکانی تایبەت بە ئەم چەشنە تێکچوون و ئازارە دەروونیانە.
ژێدەرە میدیاییەکانی ڕژێمی زایۆنیش رایانگەیاندووە لە دەسپێکی شەڕی غەززەوە لە حەوتی ئۆکتۆبەر هەتا ئێستا نزیکەی سێ هەزار سەرباز و ئەفسەری سوپای ئیسراییل بۆ چارەسەری و دەرمان ڕوویان کردۆتە ناوەندەکانی تایبەت بە نەخۆشیی دەروونی.
