خۆپێشاندانی مەزنی لەببەیک یا ئەقسا لە پاکستان
هەزاران کەس لە لایەنگرانی فەلەستین ئەمڕۆ لە شاری "ڕاولپێندی" پاکستان بە ئامادەبوون لە خۆپێشاندانەکانی "لەببەیک یا ئەقسا" وێڕای دەربڕینی هاودەنگیی لەگەڵ خەڵکی ستەملێکراوی غەززەو شەرمەزارکردنی جەنایەتەکانی ئیسرائیل خوازیاری یارمەتیی هەمەلایەنەی دەوڵەتی پاکستان بە فەلەستینیەکان بوون.
خۆپێشاندانی مەزنی پاڵپشتیی لە غەززە بەهەوڵی پارتی بزووتنەوەی لەببەیک ئەمڕۆ لە شاری راولپێندی لە دراوسێتی ئیسلامئابادی پایتەختی پاکستان بەڕێوە چوو و خۆپێشاندەران ڕایانگەیاند کە هەتا کاتی قەبووڵکرانی داواکارییەکان لەلایەن دەوڵەتەوە، مان دەگرن.
"سەعد حوسێن" ڕێبەری پارتی بزووتنەوەی تەحریک وەک وتاردەری سەرەکیی خۆپێشاندانی هاودەنگیی لەگەڵ غەززە ڕایگەیاند کە ئێمە سێ داوامان لە دەوڵەتی پاکستان هەیە کە بریتییە لە؛ ناردنی خێرای دەواودەرمان و خواردەمەنی بۆ خەڵکی غەززە، بایکۆتی کاڵا ئیسرائیلییەکان و کاڵای وڵاتانی هاوپەیمانی ئەو رژیمە بە فەرمیی لەلایەن دەوڵەتی پاکستانەوەو گونجێندرانی ناوی "بێنیامین نەتانیاهو"ی سەرۆک وەزیرانی ئیسرائیل لەپێرستی ترۆریزمدا.
لە هەشت مانگی ڕابردوودا، خۆپێشاندانی پاڵپشتی لە خەڵکی فەلەستین و شەرمەزارکرانی جەنایەتەکانی رژێمی زایۆنی لە کەرتی غەززە، بووە بە بابەتێکی رۆژانە لە زۆربەی شوێنەکانی جیهاندا.
