توڕەیی زایۆنیستەکان لەشێوازی ڕادەستکردنی گیراوان لە غەززە/بن گویر: ئەمە شکستی تەواو بوو
ئئامادەبوونی پڕ شکۆی خەڵک و خۆڕاگری لە شاری خان یونس لە باشووری کەرتی غەززە لە کاتی ئۆپەراسیۆنی ڕادەستکردنی دوو زیندانیی زایۆنیستی بە خاچی سووری نێودەوڵەتی، زایۆنیستەکانی زۆر تووڕە کرد .
ئەڤیگدۆر لیبرمان، سەرۆکی پارتی زایۆنیستی ناسراو بە "ئیسرائیل بەیتنو"، هەروەها دانی نا بە شکستی کابینەی بنیامین ناتانیاهۆ لە گەیشتن بە ئامانجە ڕاگەیەندراوەکانی شەڕی غەززە، واتە لەناوبردنی حەماس و ئازادکردنی گیراوانی زایونیستی ، و ڕایگەیاند: ئەو وێنانەی کە ئێستا لە کەرتی غەززەوە بڵاودەکرێنەوە ئەوە نیشان دەدەن کە دوای گەڕانەوەی هەموو زیندانییەکان بۆ ماڵەکانیان، دەبێت بە یەکجارەکی و بۆ هەمیشە لە کەرتی غەززە خۆمان جیا بکەینەوە. ئیتامار بن گویر، وەزیری دەستلەکارکێشاوە و توندڕەو لە کابینەکەی نەتانیاهۆ، هەروەها وتی: ئەو وێنانەی لە کەرتی غەززەوە دێن، ئەوە پشتڕاست دەکەنەوە کە ئەوەی تا ئێستا ڕوویداوە سەرکەوتنێکی تەواو نەبووە، بەڵکو شکستێکی تەواو بووە. ڕێککەوتنێکی گۆڕینەوەی بەم جۆرە بێ وێنەیە و کابینەی ئیسرائیل شێوازی کۆرنیشی هەڵبژارد. ئەمڕۆ قۆناغی سێهەمی ئاڵوگۆڕی گیراوەکان لە نێوان بەرخۆدانی فەلەستین و ڕژێمی زایۆنی لە ڕێگەی ڕێکخراوی نێودەوڵەتی خاچی سوورەوە بەڕێوەچوو. بەو پێیەش ١١٠ یەخسیری فەلەستینی لە بەرامبەر سێ گیراوی زایۆنی و پێنج هاووڵاتی تایلەندی ئازاد کران.
