هاوکات لە گەڵ نەیاریەتیە جیهانیەکان لە گەڵ گەڵاڵەکەی دوناڵد تڕەمپ سەبارەت بە کەرتی غەزە وتەبێژی بزووتنەوەی حەماس نەیاریەتی کرد لە گەڵ هەڵوێستی سەرۆک کوماری ئەمریکا لەمەڕ سپاردنی کەرتی غەزە بە واشنگتون دوایی کۆتایی شەڕ

حازم قاسم جەختی کرد  وتەکانی تڕەمپ  بە هیچ لەونێک قەبووڵکراوە نیە و غەزە  هی  خەڵکەکەیە و ئەوان  غەزە  چوڵ ناکەن .   وتەبێژی بزووتنەوەی حەماس زیادی کرد: لێدوانەکانی ترەمپ سەبارەت بە  زاڵ بوونی  واشنگتۆن بەسەر کەرتی غەززە، ئیرادەیەکی ڕاگەیەندراوە بۆ داگیرکردنی کەرتی غەززەیە . ئێمە پێویستمان بە هیچ وڵاتێک نییە بۆ بەڕێوەبردنی کەرتی غەززە، هەروەها قبوڵ ناکەین داگیرکەرێک بە داگیرکەرێکی دیکە بگۆڕین. ئاماژەی بەوەشکرد، حکومەتی  ترەمپ بە ئاراستەی سیاسەتە داگیرکارییەکانی ئیسرائیل دەڕوات بۆ درێژەدان بە دەستدرێژی دژی کەرتی غەززە.

لە لایەکی دیکەوە وەزیری جەنگی ڕژێمی زایونی  لە ژێر کاریگەری پلانی سەرۆکی ئەمریکا بۆ چۆڵکردن و گرتنی  غەززە، فەرمانی بە سوپای  زایونی  دا  تا  پلانێک بۆ گواستنەوە و دەرکردنی فەلەستینییەکان لە کەرتی غەززە ئامادە بکەن. لە هەمان کاتدا دژایەتی جیهانی لە گەڵ ئەم پلانە بەردەوامە، ئەیمەن سفەدی وەزیری دەرەوەی ئوردن وتی: هەر هەوڵێک بۆ کوچاندن و گواستنەوەی فەلەستینیەکان بە زۆر بۆ ئوردن بە واتای ڕاگەیاندنی شەڕە لە دژی ئوردن، ئێمەش بە هەموو توانامانەوە شەڕی لەگەڵ دەکەین. ، یەکێتی ئەوروپا ش لە کاردانەوە  بە  پلانی ترەمپ بۆ غەززە وێڕای دژایەتیکردنی ئەو پلانە، پشتیوانی خۆی بۆ ڕێکار و  چارەسەریی دوو حکومەتی  لە ناوچەکانی فەلەستینی ڕاگەیاند.

هەروەها هەژماری   بە کار هێنەریی   نووسینگەی  پاراستن و بڵاوکردنەوەی بەرهەمەکانی ئایەتوڵڵا خامنەیی، ڕێبەری مەزنی شۆڕشی ئێران، لێدوانەکانی خۆی لەسەر پرسی فەلەستین بڵاوکردەوە و نووسی: هەموو فەلەستین، لە ڕووبارەوە تا دەریا، هی گەلی فەلەستیە .