نەتانیاهۆ گرووپێکی نزیک لە داعش لە غەززە پڕچەک دەکات
حوزه‌یران 05, 2025 16:06 Asia/Tehran
سەرۆکی پارتی "ئیسراییل ماڵی ئێمە"، لە چاوپێکەوتنێکدا لەگەڵ کەناڵی ١١ی ڕژێمی زایۆنی، باسی دابینکرانی چەک بۆ لایەنگرانی داعش لە شاری ڕەفەحی کرد لەلایەن دەزگا ئەمنییەکانەوە و بە فەرمانی بنیامین ناتانیاهۆی سەرۆکوەزیرانی ڕژێمی زایۆنی.
ئاڤیگدۆر لیبەرمەن وتی: بە فەرمانی نەتانیاهۆ، دەزگا ئەمنییەکانی ڕژێمی زایۆنی، لەپێناو لاوازکردنی بزووتنەوەی حەماس لە غەززەدا کەرەستەی جەنگیی هێرشبەرانە و چەکی سووکیان خستۆتە بەردەستی گرووپێکی نزیک لە داعش و نەیارانی حەماس لە ڕەفەح. لیبەرمەن وتیشی: ئەم هەڵمەتە لەلایەن ڕێکخراوی شاباکەوە بە نهێنی و بەبێ پەسەندی کابینەکە ئەنجام دەدرێت.
