بەرپرسێکی ڕژێمی زایونی: نۆژەنکردنەوەی کاولکاریی هێرشەکانی ئێران ساڵانێکی زۆر دەخایەنێت
ته‌مووز 04, 2025 19:59 Asia/Tehran
ڕۆژنامەی مەعاریڤ ڕایگەیاند ناوچەی تەل ئەبیب زیاترین زیانی لە بواری ڕووخانی بیناکانی لە ئەنجامی هێرشە مووشەکییەکانی ئێرانی پێگەیشتووە .
لە درێژەی زانیارییە کەم کەمی و سانسۆرکراوەکانی میدیا زایونیەکان لەمەڕ ئەو زیانانەی وا لە ئەنجامی هێرشەکانی ئێران بەر ئەم ڕژێمە کەوتووە ، ئەم میدیا عیبرییە جەختی کردووە کە لانیکەم ٢٠٠ بینای گەورە زیانی قورسیان پێگەیشتووە و بە لانیکەم دە بینا لەوانە دەبێت بە تەواوی بڕووخێنرێن. لە درێژەی ئەم ڕاپۆرتەدا هاتووە: بەهۆی بەرکەوتنی مووشەکەکان بە تەل ئەبیب، ناوچەکانی ڕامات گان، بێت یام، هۆلۆن و بنی براک زیانی بەرچاویان پێگەیشتووە.
