سۆنامیی سیاسی ڕژێمی زایۆنی تەنیوە
ته‌مووز 30, 2025 17:10 Asia/Tehran
ڕۆژنامەی یەدیعووت ئاحارانووت دانیناوە بەوەیدا کە پێگەی نیودەوڵەتیی ڕژێمی زایۆنی خەوشاوە و تەواو سست و لاواز بووە.
ئەم ڕۆژنامەیە ئاماژەی دایە ئەو هێرشانەی لە وڵاتانی جیهاندا دەکرێتە سەر زایۆنییەکان و نووسی کە سۆنامی سیاسی دژ بە ڕژێمی زایۆنی گەیشتۆتە بانترین ئاستیی خۆی. ماڵپەڕی عبری زمانی "والا"ـیش ڕاپۆرتی داوە کە بە هۆی نالەبار بوونی ڕەوشی مرۆیی لە غەززە و تۆمەتبارکرانی ڕژێمی ئیسراییل وەک هۆکاری ئەو دۆخە کارەساتبارەی غەززە، داخوازی وڵاتانی ئەورووپایی بۆ بەڕەسمییەت ناسرانی وڵاتی فەلەستین گەلێک زیاتر بووە. ئەمدواییە فەرەنسا و ئینگلیز ڕایانگەیاندووە کە بەنیازن وڵاتی فەلەستین بە ڕەسمییەت بناسن. هۆڵندایش ئەمدواییە ڕایگەیاندووە کە ڕێگا نادات وەزیری دارایی و ئاسایشی ناوخۆی ڕژێمی زایۆنی بێتە نێو وڵاتەکەیانەوە.
