SAHAR

سەرچاوە هەواڵییەکان، باسیان كرد لە دەستدرێژیی دووبارەی داگیرکەرانی زایۆنیستی بۆ سەر باشووری لوبنان .

سەرچاوە هەواڵییەكان هەروەها باسی دەسدرێژیی ڕژێمی زایۆنیستیان کرد بۆ سەر "وادی بورغەز" لە باشووری لوبنان .

ناوچەی مەحموودیە لە باشووری لوبنانیش كەوتە بەر پەلاماری داگیركەرانی  زایۆنیستی.

هەروەها  فڕۆكە جەنگییەكانی رژێمی زایۆنی، ناوچەكانی  دەوروبەری  شارۆچكەی  كەفەر مەلكی ، شارۆچكەی  ئەنسار و دەڤەری  شارۆچكەی  زراریە  لە باشووری لوبنانیان بۆردمان كرد. 

سوپای ڕژێمی زایۆنی بۆ پاسادانی پێشێلکردنی بەردەوامی ڕێککەوتنی ئاگربەست و بڕیارنامەی ١٧٠١ی ئەنجومەنی ئاسایش، بانگەشەی ئەوەی کرد کە  پەلامار دەکاتە سەر ئامانجەکانی حیزبوڵڵا لە باشووری لوبنان. سەرەڕای ڕێککەوتنی ئاگربەست، ڕژێمی زایۆنی بەردەوامە لە  پەلامار و دەستدرێژیەکانی بۆ سەر لوبنان.