حکومەتی هەرێمی کوردستان (500) ملیار دینارى بۆ ئاوەدانکردنەوە راگەیاند
تشرینی یهکهم 17, 2019 14:42 Asia/Tehran
حکومەتى هەرێمى کوردستانی ئێراق (500) ملیار دیناری تەرخان دا بە بەڕێوەبردنى پڕۆژەى ستراتیژى ئاوەدانکردنەوەی ئەو هەرێمە .
به پێی راپۆرتی ماڵپەڕی (سبەی):ئەمڕۆ پێنجشەممە، مەسرور بارزانى سەرۆکی حکومەتی هەرێمی کوردستان تەرخانکردنى بڕی (500) ملیار دینار (420 ملیۆن دۆلار)ى بۆ بنیاتنان و گەشەپێدانی ژێرخانی ئابوری هەرێمی کوردستان راگەیاند بەتایبەت لە بوارەکانی رێگاوبان و سایلۆ و کارەبا و ئاو و ئاوەڕۆ.
بڕیارە پڕۆژەکان بە چەند قۆناخێک ئەنجام بدرێن لە سەرتاسەری هەرێمی کوردستان و بەوەش "هەزاران دەرفەتی کار لە هەرێمی کوردستان دەڕەخسێنێت و ئەمڕۆش لەو چوارچێوەیەدا یەکەم بەردى بناغەى یەکەم پڕۆژە لە دهۆک دادەنرێت".
