کۆنسوڵخانەی کۆماری ئیسلامیی ئێران لە هەولێر لە راگەیێندراوێکدا ئاماژە بەوە دەکات کە رۆژی یەکشەممە 05-01-2020 پرسە بۆ قاسم سولەیمانی دادەنێت.

کۆنسوڵخانەی گشتیی کۆماری ئیسلامیی ئێران لە راگەیێندراوەکەدا داوا لە بەرپرسان، کەسایەتییە سیاسی و دیارەکان و خەڵکی هەرێمی کوردستان دەکات کە لە پرسەکەدا بەشداربن.

ئەمڕۆ شەممە لە بەغدا تەرمی قاسم سولەیمانی و ئەبومەهدی موهەندیس و شەهیدەکانی دیکە لە رێوڕەسمێکدا لە بەغداوە دەبرێنە کەربەلا.

بڕیاریشە سبەی یەکشەممە تەرمی قاسم سولەیمانی و ئەو ئێرانیانەی دیکە کە لە بۆردومانەکەی ئەمریکادا کوژراون، بنێردرێنەوە ئێران. 

لە راگەیێندراوەکەدا ئاماژە بەوە کراوە، رۆژی یەکشەممە 05-01-2020 کاژێر 09:00ی سەرلەبەیانی تاوەکو 05:00ی ئێوارە لەنێو کۆنسوڵخانەی کۆماری ئیسلامیی ئێران لە هەولێر پرسەکە بەڕێوەدەچێت.