‌ ژمارەیەک لە هاوڵاتیان و موچەخۆران دژی دواکەوتن و لێبڕینی موچە لە شارەکانی قەڵادزێ و رانیە خۆپیشاندان کرد و گرژی و ئاڵۆزی لە نێوان هێزە ئەمنییەکان و خۆپیشاندەران دروست بوو.

بەپێی هەواڵی میدیاکانی هەرێم ، پاشنیوەڕۆی ئەمڕۆ شەممە مامۆستایان و فەرمانبەران و خەڵکێکی بەرفراوانی شاری رانییە و قەڵادزێ دژی دواکەوتنی مووچە و  لێبڕینی موچە و کەمی هەلی کار و خزمەتگوزاری دەستیان بە خۆپیشاندان کرد.

هەربەپێی زانیارییەکان، لەکاتی بەڕێوەچوونی خۆپیشاندانی هاوڵاتیان و کاسبکاران و مامۆستایان چین و توێژەکانی دیکە، هێزە ئەمنییەکان لە ڕێگەی ڕشتنی کازی فرمێسک ڕێژ هێرشیانکردە سەر  خۆپیشاندەران بەمەبەستی بڵاوە پێکردنیان.

هاوکات لەنێو ئەو گەنجانەدا تا ئێستا حەوت بۆ دە کەس لەلایەن هێزە ئەمنییەکانەوە دەستبەسەرکراون.