سوپای تورکیا له دەڤەری ئامێدی هێزی جێگیر کرد
نیسان 25, 2021 13:08 Asia/Tehran
سوپای تورکیا به شه‌ش هێلیکۆپته‌ر هێزی سه‌ربازیی له یه‌کێک له گونده‌کانی به‌رواری باڵا له ئامیدی جێگیر کرد.
له‌وباره‌یه‌وه کوردساتنیوز بڵاویکردۆته‌وه بۆ سێیه‌مین ڕۆژ ئۆپراسیۆنی سوپای تورکیا له سنووری ئامێدی له هه‌رێمی کوردستان به‌رده‌وامه و شه‌وی ڕابردوو فڕۆکه جه‌نگییه‌کانی تورکیا گوندی کێسته‌یان له به‌رواری باڵا بۆردومان کردووه و دواتر به شه‌ش هێلیکۆپته‌ر هێزی خۆیان له ناوچه‌که دابه‌زاندووه و له ئێستادا هێزه‌که له‌و گونده جێگیر کراوه.
جگه له‌وه‌ش بۆردومانی چه‌ند ناوچه‌یه‌کی دیکه‌ی سه‌ر به ئامێدی کردووه.
