چۆڵ کرانی ٣٨ گوند لە باکووری عێراق دوابەدوای شاڵاوەکانی تورکیا
کاربەدەستێکی پەرلەمانیی ھەرێمی کوردستان ڕایگەیاند: دوابەدوای شاڵاوەکانی سوپای تورکیا، ٣٨ گوند لە باکووری عێراق چۆڵ کراون و رۆرێک لە مەزراکان سوتێندراون.
بە پێی ڕاپۆرتی ماڵپەڕی ڕووداو،«ڕێڤینگ ھەروری» سەرۆکی لێژنەی پێشمەرگەی پەرلەمانی ھەرێمی کوردستان ئەمڕۆ ھەینی ڕایگەیاند: دانیشتووانی ناوچەکانی باکووری عێراق دوابەدوای شاڵاوەکانی زەوینی و ئاسمانیی سوپای تورکیا لە ڕەوشتێکی نالەباردا بەسەر دەبەن و بەناچاری ماڵ و حاڵی خۆیان بەجێ دێڵن.
ئەم کاربەدەستەی پەرلەمانی ھەرێمی کوردستان جەختی لەوەش کردووەتەوە کە، سوپای تورکیا لەم دواییەدا ھەشت بنکەی تازەی لە ھەرێمی کوردستاندا دامەزراندووە.
«ھەروری» وتیشی: ئەو گوندانەی وا لە ناوچە شەڕ تێکەوتووەکان ھەڵکەوتوون، لە ڕەوشتێکی خراپ دان، بە جۆرێک کە زۆرێک لە مەزراکان سووتێندراون و لە ئۆپراسیۆنەکانی ئەم دواییە زۆرێک لە گوندەکان چۆڵ کراون و خەڵکەکەی داوای زیانبایی دەکەن.
لە ماوەی دوو ڕۆژی ڕابردوو شاندێکی پەرلەمانیی ھاوبەش لە بەغداو ھەولێر سەردانی ئەو ناوچە سەرسنوورانەی پارێزگای «دھۆک»یان کرد کە ھێرشیان کراوەتە سەر و زیانەکانی شاڵاوەکانی تورکیایان ھەڵسەنگاند.
