دانیشتنی ئاسایشتیی بنکەی ئۆپراسیۆنی ھاوبەشی عێراق و پێشمەرگە لە ھەولێر
یەکەی ڕاگەیاندنی ئاسایشتیی عێراق باسی بەڕێوە چوونی دانیشتنێکی گرینگی کردووە لە نێوان بنکەی ھاوبەشی عێراق و ھێزی پێشمەرگە لە ھەولێری ھەرێمی کوردستان.
بە پێی ڕاپۆرتی ھەواڵدەریی بەغدا ئەلیەوم، یەکەی ڕاگەیاندنی ئاسایشتیی عێراق ئەمڕۆ ھەینی لە بەیاننامەیەک دا ڕایگەیاند: سەرکردایەتیی بنکەی ئۆپراسیۆنی ھاوبەشی عێراق کۆبوونەوەیەکی گرینگی لە ھەولێر بەڕێوە برد کە لە میانەی دا «عەبدولئەمیر شەمەری» یاریدەری فەرماندەری بنکەی ئۆپراسیۆنی ھاوبەشی عێراق، یاریدەری سەرۆکی بنکەی ئۆپراسیۆنی ھاوبەشی سوپای عێراق و فەرماندەری ھێزی پێشمەرگەی ھەرێمی کوردستان و کۆمەڵێک لە فەرماندەران و بەرپرسانی ئاسایشتی بەشداری بوون.
یەکەی ڕاگەیاندنی ئاسایشتیی عێراق وتیشی: ئەم دانیشتنە لە ئاراستەی تاوتوێ کردن و ھاواھەنگیی ئۆپراسیۆنی سەربازی لە ناوچە گرینگەکان لە ڕووی ئاسایشتی ھاوبەشەوە دژی تاقمی تیرۆریستی داعش بەڕێوە براوە.
«جەمال ئیمینکی» سەرۆکی ئەرکانی ھێزەکانی پێشمەرگە لە پرێس کۆنفرانسێکدا وتی: ھەردووک شاندەکە سەبارەت بە پرسی ناوەندەکانی ھاواھەنگی ھاوبەش لە ڕۆژئاوای نەینەوا، کەرکوک، مەخمورو خانەقین جیا لە پێکھاتنی دوو تیپی ھاوبەش لە وەزارەتی بەرەڤانیی عێراق و وەزارەتی پێشمەرگەی ھەرێمی کوردستان لە ناوچەکانی سنووری نێوان پێشمەرگەو سوپای عێراق ، ھەروەھا لەمەڕ پرسی گۆڕینەوەی زانیاری و بەرز کردنەوەی ئاستی ڕێکخستن و ھاواھەنگی و ھاوکاریی ھاوبەشیش ڕاوێژیان کردووە.
