ئازادکردنی دوو ئەندامی کۆمەڵی دادگەریی ھەرێمی کوردستان دوای 20 ساڵ زیندانی لە هەولێر
May 21, 2022 09:59 Asia/Tehran
دوو ئه ندامی پارتی کۆمەڵی دادگەریی ھەرێمی کوردستان دوای 20 ساڵ زیندانیکردنیان له شاری هه ولێر ئازاد کران.
نوسینگەی عەلی باپیر، ئەمیری کۆمەڵی دادگەریی ھەرێمی کوردستان لە راگەیەندراوێکدا رایگەیاند کاروانی عارف و هۆشیار سابر، ئەندامانی پێشووی حزبەکە، دوای 20 ساڵ زیندان لە هەولێر، بە هەوڵەکانی عەلی باپیرئەمیری کۆمەڵی دادگەری لە زیندان ئازاد کران.
بەپێی هەواڵەکە، ئەو کەسانە لە کاتی دەستگیرکردنیاندا ئەندامی کۆمەڵی دادگەریی ھەرێمی کوردستان بوون، عەلی باپیر دوای ئازادکردنی لە نوسینگەی تایبەتی خۆی لە هەولێر پێشوازی لێکردن.
راپۆرتەکە هیچ لێدوانێکی لەسەر ھۆکاری گیرانی ئەم دوو کەسە نەداوە .
