ئاسایشتی نێوخۆیی هەرێمی کوردستان دەستگیرکردنی 17 تیرۆریستی داعشی لە ناوچە جیاجیاکانی پارێزگای سلێمانیی ھەرێمی کوردستان ڕاگەیاند.

بەپێی ڕاپۆرتی ڕۆژی چوارشەممەی هەواڵدەریی «ڕووداو»، بە گێڕانەوە لە بەڕێوەبەری ئاسایشی نێوخۆیی سلێمانی ، لە ناوچەکانی سلێمانی، چەمچەماڵ، تەکیە و باریکە ١٧ تیرۆریستی داعش لەلایەن هێزەکانی ئاسایشتەوە قۆڵبەست کراون .

بە پێی ئەم ڕاپۆرتە ٧ کەس لەو تیرۆریستانە لە ڕێگەی سۆشیال میدیاوە پەرە بە چالاکییە تیرۆریستییەکانی داعشیان دەدا.

ئەم بەرپرسە ئاسایشتییەی هەرێمی کوردستانی ئەوەشی وتووە کە: تیرۆریستانی داعش پلانیان دانابوو چەندین ئەفسەر و فەرماندەی باڵای هێزەکانی پێشمەرگە و هەروەها کۆمەڵێک کەسایەتیی ئایینی تیرۆر کەن و ژمارەیەک بارەگای یەکێتیی نیشتیمانی بتەقێننەوە.

بە وتەی ئەم بەرپرسە ئاسایشتییە، ئەم تیرۆریستانە لە پێکدادانەکەی 14ی ئابی 2022 ی بازاڕی سلێمانی لەگەڵ هێزە ئاسایشتییەکاندا رۆڵیان هەبووە.

ھێزە سەربازی و ئاسایشتییەکانی عێراق تا ئێستاش لە ھەوڵی پاککردنەوەی بە تەواویی ئەو ناوچانەن کە بەرماوەکانی  تیرۆریستانی داعشیان تیادا ماوە.