تورکیا باکوری عێراقی بوردومان کرد
تورکیا جارێکی دیکە ناوچە شاخاوییەکانی پارێزگای دھۆکی بوردومان کرد.
بەپێی ڕاپۆرتی ڕۆژی پێنجشەممەی ئاژانسی هەواڵدەریی ئیرنا ، هێزی ئاسمانیی تورکیا زنجیرە چیای «مەتینا»ی لە پارێزگای دهۆک لە باکووری ئەم وڵاتە بۆردومان کرد.
تا ئێستا هیچ هەواڵێک لەبارەی ئەگەری زیانی گیانی و زیانەکانی ئەم بۆردومانەوە بڵاونەکراوەتەوە.
پێشتر «غیاش سورجی» ئەندامی یەکێتی نیشتمانیی کوردستانی عێراق ڕایگەیاند بوو، بەهۆی بۆردومانەکانی تورکیاوە، دانیشتوانی ٦٠٠ گوندی دابینکەری بەرهەمی کشتوکاڵی و ئاژەڵ لە باکووری عێراق ئاوارە بوونە.
حکومەتی عێراق هێرشەکانی تورکیای بە نموونەی دەستدرێژی بۆ سەر خاکی عێراق ناوبردووە و داوای کشانەوەی هێزەکانی ئەو وڵاتە لە باکوری عێراق دەکات.
دەوڵڵەتی ئانکارا لە ھەل و مەرجێکدا ناوچەکانی ھەرێمی کوردستانی عێراق بوردومان دەکات و سنوورەکانی ئەم بەشەی عێراق دەبەزێنێ، کە عێراق بە ھەرێمی کوردستانیشەوە لە وڵانەیە کە دەستبەجێ دوای بوومەلەرزەکەی ئەم دواییەی تورکیا بە ھانایەوە ڕۆییشت و ھاوکاریی مرۆڤی و فریاگوزاری بۆ ڕەوانە کرد.
