فەرامەرز ئەسەدی، کونسوڵی گشتی ئێران لە هەولێر ڕایگەیاند، پەیوەندییەکانی نێوان هەرێمی کوردستان و کۆماری ئیسلامی ئێران گەیشتووەتە خاڵی بەهێزی خۆی .

 ئەسەدی بە جەختکردنەوە لەسەر پەیوەندییە خێزانی و کولتوورییەکانی نێوان هەرێمی کوردستانی عێراق و ئێران وتی: دوو نەتەوە لە هەر دوو دیوی ئەم سنوورە  ناژین، بەڵکو یەک نەتەوە هەیە و ئەمەش پەیوەندییەکانی نێوانیان زیاترلە ڕابردوو پتەوتر کردووە، لە ڕووی سیاسیشەوە هاوکارییەکانی نێوان هەرێمی کوردستان و ئێران لە لوتکەدایە . کونسوڵی گشتیی ئێران لە هەولێر سوپاسی میدیاکانی هەرێمی کوردستانی عێراقی کرد  لە بەر ئەوەی کە  لە بڵاو کردنەوەی ڕاپۆڕتەکانیاندا  بێ لایەن بوون لە  شەڕی ١٢ ڕۆژەی ئەم دواییەی ئێران و ڕژێمی زایۆنیستی  وتی:  هاوکارییەکانی  نێوان بەرپرسانی ئێران و بەرپرسانی  هەرێمی کوردستانی عێراق قووڵایی پەیوەندییەکانی تاران و هەولێر نیشان دەدات.