جێبەجێ کرانی قۆناغی یەکەمی لابردنی خاڵە گومرکیەکانی نێوان هەرێم و شارەکانی دیکەی عێراق
بە جێبەجێ کرانی قۆناغی یەکەمی لابردنی خاڵە گومرکیەکانی نێوان هەرێمی کوردستان و عێراق ، هەموو فەرمانبەرانی سەر بە حکومەتی ناوەندیی ، لەم خاڵانە کشانەوە .
بە پێی راپۆرتی کوردپرێس ، کەناڵی تەلەفزیونیی کوردستان 24 راپۆریدا هەموو فەرمانبەرانی سەر بە حکومەتی ناوەندیی عێراق کە بە بڕیاری ئەنجوومەنی وەزیران لە خاڵە گومرکیەکانی نێوان عێراق و هەرێمی کوردستان خەریکی کار بوون ، بە جێبەجێ کرانی فازی یەکەمی لابردنی ئەم خاڵە گومرکیانە، شوێنی کاری خۆیان جێهێشتووە .
ئەم خاڵە گومرکیانە دوای ڕووداوەکانی 16 ی ئوکتوبر ، بە فەرمانی حکومەتی ناوەندیی عێراق لە نێوان شارەکانی هەرێم و عێراق بە واژۆی پەرلەمانی عێراق و ئەنجومەنی وەزیرانی ئەم وڵاتە ، بڕیاری لابردنیان دەرچوو .
چوونەدەری فەرمانبەرانی عێراق لە خاڵە گومرکیەکان هاوکات لە گەڵ سەردانی چاوەڕواننەکراوی نێچیروان بارزانی سەرۆک وەزیرانی هەرێم بۆ بەغدا و چاوپێکەوتنی لە گەڵ عادل عەبدولمەهدی سەرۆک وەزیرانی عێراق ئەنجام دەبێ .
هەروەها نەوزاد ئەدهەم بەڕێوەبەری گشتیی رێکخراوی گومرکی هەرێمی کوردستان لە دیمانیەکدا لە گەڵ باس نیوز رایگەیاند بە نەمانی ئەم خاڵە گومرکیانە پزۆژەی یەکسان کردنی نرخنامە و کاروباری گومرکیی دەروازە سنووریەکانی هەرێم و عێراقیش جێبەجێ دەکرێ .
