د.نه‌جمه‌دین که‌ریم کۆچی دوایی کرد
د.نەجمەدین کەریم، پارێزگاری پێشووی کەرکوک و ئەندامی پێشووی مەکتەبی سیاسی یەکێتی لە تەمەنی 71 ساڵیدا و بەهۆی توشبونی بە جەڵتەی مێشک کە لە چەند رۆژی رابردودا توشی ببوو، لە ئەمریکا گیانی لەدەستدا.
بە پێی ھەواڵێکی وێستگەنیوز ، پێشنیوه‌ڕۆی ئه‌مڕۆ شه‌ممه 31ی تشرینی یه‌که‌می 2020، نوسینگه‌ی د.نه‌جمه‌دین که‌ریم، راگه‌یه‌ندراوێکی بڵاوکرده‌وه و رایگه‌یاند که کاتژمێر 11ی شه‌و به‌کاتی ئه‌مریکا د.نه‌جمه‌دین کۆچی دوایی کردوه و له‌سه‌ر وه‌سێتی خۆی ته‌رمه‌که‌ی ده‌هێنرێته‌وه بۆ هه‌رێمی کوردستان و به‌شێوه‌یه‌کی کاتی به‌خاک ده‌سپێردرێت، بەڵام بەهۆی ڤایرۆسی کۆرۆناوە پرسەی بۆ دانانرێت.
نوسینگه‌ی د.نه‌جمه‌دین رایگه‌یاندوه که له‌سه‌ر وه‌سێتی ناوبراو ته‌رمه‌که‌ی بە شێوەیەکی کاتی دەگەڕێندرێتەوە ھەرێم و بە خاک دەسپێردرێت و دواتر لە کەرکوک بە یەکجارەکی بە خاک دەسپێردرێ.
ئه‌وه‌ش له‌کاتێکدایه که له 28ـی تشرینی یه‌که‌می 2020، نووسینگەی نەجمەدین کەریم راگه‌یه‌ندراوێکی بڵاویکردەوە و ئاشکرایکرد که "چەند رۆژێک بەر لە ئێستا، دکتۆر نەجمەدین کەریم، وەک هەر هاوڵاتی و مرۆڤێکی ئاسایی، تووشی جەڵتەی مێشک هاتووە و بەهۆیەوە کەوتووەتە نەخۆشخانە".
