شوبات 10, 2020 18:37 Asia/Tehran
  • ساڵگەڕی سەرکەوتنی شۆرشی ئیسلامی-شۆرشێکی بە گەشە و تاهەتایی

22ڕێبەندان 41مین ساڵگەڕی سەرکەوتنی شۆرشی ئیسلامی ئێرانه.دوژمنان ساڵانێکی زۆرە بە کەڵک وەرگرتن لە هەر ئامڕازێک و خەرج و بەرجی یەکجار زۆر، ڕەوتێکی میدیایی بەربڵاویان دژی نزامیی ئیسلامی خستۆتە گەڕ بە ئامانجی داپۆشاندنی خاڵە بە هێزەکانی کۆماری ئیسلامی و سەپاندنیی خاڵە لاوازەکان بە مەبەستی هیوابڕاوکردنی خەڵک و گەنجەکان.ئەم دوژمنایەتییە، سیرەی گرتووە لە بنەما و شووناسی نزامی ئیسلامی .

 شۆرشی ئیسلامی وەکوو ڕووداوێکی مەزن  هاوکات لەگەڵ بڵاوکردنەوەی ئەندێشەکانی شۆرشگێرانە و دادگەری خوازانەی  و لەکردەوە دا، هەرچەشنە زاڵیەتی خوازی و داسەپاندنی زاڵیەتی و مڵهۆری ڕەتکردەوە و وێرای ڕاوەستان بەرامبەر دەستەڵاتەکانی ستەمکار، هاوسەنگییە سیاسییەکانی سیستێمی پاوانخوازی تێکدا.

 کاتێک گەلی ئێران بڕیاری گرت سەربەخۆ و پێشکەوتوو بێت ئەم خەباتە دەستپێکرا و هەر بۆیە زڵهێزە مڵهۆرەکان ئەم بڕیارەیان بە پێچەوانەی قازانج و بەرژەوەندیی خۆیان زانی .ئەندێشەکانیی  ئەم چالاکییە شۆرشگێرانە لە سنوورەکانی ئێران واوەتر چوو و وەک یەکێ لە هێماگرنگەکانیی بەرخۆدان بەرامبەر زڵهێزەکانی جیهانی لێهات و ئەم پرۆسەیە هەروا بەردەوامە.

سەرکەوتنی شۆرشی ئیسلامی کۆتایی دا بە زاڵیەتی  ئەمریکا بە سەر ئێران و چارەنووسی گەلی ئێرانیی لە ڕێبازێکی تازە دا تێکەڵاو بە  مەزنایەتی و سەربەخۆیی  کرد. ئەم گۆڕانکارییە مەزنە بوو بە هۆی پیلانگێریی واشنگتۆن و دەست و پێوەندەکانی . بەڵام پیلانەکانی ڕۆژاوا چ لە سەردەمی شەڕ، و چ لە کردەوە دوژمنکارانەکانی دوای شەڕیش نەیتوانی ئێران بگەڕێنێتەوە سەر خوولکەی پاوانخوازی ڕۆژاوا.

زۆرێک لە لێکۆلەران لە سەر ئەم بڕوایەن سەرەڕای هەموو کۆسپ نانەوەکان و دوژمنایەتیی کردنەکانی ئەمریکا دوای تێپەڕینی چوار دەیە شۆرشی ئیسلامی ئێران لە ئامانجەکانی خۆی دوور نەبۆتەوە و گەلی ئێران ، بەردەوام لە پێناو ئارمانەکانی شۆرش دا بەرەو پێشەوە هەنگاو دەنێت. ڕاوەستانی گەلی ئێران بەرامبەر دەستەڵاتە زۆربێژەکان تەنیا دروشمێک نییە، هەربۆیە شۆرشی ئیسلامی ئێران ، شۆرشێکی تاکانەیە و تادێ ڕادەی کارتێکەریی لە ئاست جیهان دا زۆرتر دەبێتەوە.

22 ڕێبەندانی ئەمساڵ بە ناوی  "  شۆڕشی ئیسلامی   زیندوو و پاوەجێ  لە سای  ویلایەتخوازی جیهاد و خۆڕاگری " ناودێر کراوە وتی . ڕێپێوانی 22  ڕێبەندانی  ئەمساڵ  لە هەزار شارو چوار هەزار و 200 گوندی  ئێران بە شێوەی هاوکات  بەڕێوە دەچێت .  6 هەزار  پەیامنێری  ئێرانی و بیانی  ڕێ و ڕەسمی   22  ڕێبەندان  و بەرنامەکانی  دەیەی فەجریان  لە  سەرانسەری  ئێرانی  ئیسلامی   ڕۆماڵ ئەکەن . 

شۆڕشی ئیسلامی  ئێران  11 فێڤریەی 1979 بە ڕێبەرایەتی حەزرەتی  ئیمام خومەنیی  -ڕە - بناغەدانەری  مەزنی شۆڕشی ئیسلامی ئێران سەرکەوت . خەڵکی  سەرانسەری ئێرانی ئیسلامی  بەم بۆنەوە بە  ئامادە بوونی بەربڵاو  لە ڕێپێوانی  ساڵوەگەڕی  سەرکەوتنی  شۆڕشی ئیسلامی ئێران پەیمان نوێ دەکەنەوە لە گەڵ ئارمانجەکانی  بناغەدانەری کۆماری ئیسلامی ئێران و حەزرەتی ئایەتوڵڵا خامنەیی  ڕێبەری مەزنی شۆڕشی ئیسلامی ئێران .

 

 

سەرپەیڤ

بۆچوونت