پەیوەندیی تەلەیفونیی ئەردۆغان و پوتین لەبارەی لیبیاو سوریا
کانونی یه‌که‌م 12, 2019 08:20 Asia/Tehran
وتەبێژی کۆشکی کرێملین ڕایگەیاند، سەرۆک کۆمارانی ڕووسیاو تورکیا لەڕێی تەلەیفون سەبارەت بە ڕەوشی لیبیاو سوریا وتووێژیان کرد.
"دیمیتری پسکۆف" وتەبێژی کۆشکی کرێملین وتی: "ڕەجەب تەییب ئەردۆغان" سەرۆک کۆماری تورکیاو "ڤلادیمیر پوتین" سەرۆک کۆماری ڕووسیا رۆژی چوارشەممە لەپەیوەندییەکی تەلەیفونیدا خوازیاری چارەسەریی قەیرانی لیبیا بوون.
سەرۆک کۆمارانی ڕووسیاو تورکیا لەبارەی تێکهەڵچوون و پێکدادانەکان لە دەورووبەری ترابلۆسی پایتەختی لیبیا نیگەرانیان دەربڕی و خوازیاری ئاگربڕی خێراو دەسپێکرانەوەی دانوستانەکانی ئاشتی لەنێوان لایەنە لیبیاییەکاندا بوون.
وتەبێژی کۆشکی کرێملین هەروەها وتی: سەرۆک کۆمارانی ڕووسیاو تورکیا جەختیان کرد لەسەر داکۆکی کردن لە هەوڵەکان بۆ بەرەوڕووبوونەوەی هەڕەشە ترۆریستییەکان لە سوریا بۆ وێنە لە پارێزگای ئیدلەب.
