وشداری دانیی نوێنەری پەرلەمانی ئێراق لە بارەی هەوڵی ئەمریکا بۆ خۆ وەردان لە هەڵبژاردنەکانی داهاتوو
نوێنەری پەرلەمانی ئێراق وشداری دا : بالوێزخانەی ئەمریکا بەمەبەستی "خۆوەردان"لە هەڵبژاردنەکانیی پەرلەمانی ئێراق لە مانگی مای، شەش ڕاوێژکاریی ئەمریکایی بە بیانووی یارمەتی دانیی کۆمیساریای باڵای هەڵبژاردنەکانیی ئێراق بەڕێدەکاتە ئەو وڵاتە .
بە گوێرەی ڕاپۆرتی هەواڵدەری ڕادیۆ وتەلەڤزیۆنی ئێران، بە گێرانەوە لە ئەلسوومەرییە نیوز، "عەواتێف نەعمە" نوینەری هاوپەیمانیی دەوڵەتی یاسای عێراق لە پەرلەمانی ئەو وڵاتە ، رۆژی هەینی لەبەیاننامەیەک دا بە ئاماژە بە نیگەرانی خەڵکی عێراق لە خۆوەردانەکانی بیانییەکان تەنانەت گرووپەکانیی سەر بە ڕێکخراوی نەتەوەکان لە هەڵبژاردنەکانی پەرلەمانی ئێراق ڕایگەیاند: بالوێزخانەی ئەمریکا لە بەغدا هەوڵ ئەدات بواری گۆڕینی ئەنجامەکانیی هەڵبژاردنەکانیی پەرلەمانیی بە گوێرەی قازانج و بەرژەوەندی خۆی خۆشبکاتەوە .
لە بەیاننامەکەی عەواتێف نەعمە هاتووە : " ئیدعاکانیی ئەمریکا لە بارەی ناردنی شەش ڕاویژکار بۆ یارمەتیی دان بە لێژنەی هەڵبژاردنەکانی عێراق تەنیا بەمەبەستیی بوار خۆشکردن بۆ خۆوەردان لە هەڵبژاردنەکان و دەستکاریی ئەنجامەکانیی ئەنجام دەگرێ ".
ئەم نوێنەرە عێراقییە بەڕاشکاوی وتی: خۆوەردانی ڕاویژکارانی ئەمریکایی لە هەڵبژاردنەکانی عێراق دەبیتە هۆی چوونە ژێر پرسیاری شەرعیەت و ڕەوایەتی هەڵبژاردنەکانیی عێراق و کەوابوو دەوڵەتی ئێراق دەبێ بە ئاشکرایی نەیاریەتی خۆی لە گەڵ هەرچەشنە خۆوەردانیی بیانیی لە چالاکییەکانیی لیژنەی باڵای هەلبژاردنەکانی عێراق ڕابگەینێ .
هەڵبژاردنەکانی پەرلەمانی عێراق بریارە ١٢ مانگی مای ٢٠١٨ لە ١٨ مەڵبەندی هەڵبژاردنەکان لە سەرانسەری عێراق لە وان ناوچەگەلێک کە لەم بەینە دا لە چنگ داعش ڕزگار کراونەتەوە بەڕێوە بچێت . لە هەڵبژاردنەکانیی پەرلەمانی داهاتوویی عێراق، داڕشتی کابینە ، سەرۆک وەزیران و هەروەها سەرۆک کۆماری و سەرۆکی پەرلەمان دیاری دەکرێن .
