SAHAR

سەرباری ناڕەزامەندی دەربڕینی بەربڵاو لە بەغداو وڵاتانی عەرەب بەرامبەر بە ئۆپراسیۆنە سەربازییەکانی ئانکارا لە ماوەی ڕۆژانی ئەم دواییە، سەرچاوە عێراقییەکان ئەمڕۆ ھەینی ڕایانگەیاند کە تورکیا جارێکی تر ناوچەگەلێکی باکووری عێراقی بوردومان کردووە.

بە پێی ڕاپۆرتی ئیرنا بە گێڕانەوە لە سەرچاوە عێراقییەکانەوە، ھێرشە ئاسمانییەکانی تورکیا ئەمڕێ بە بوردومانی گوندێک لە ھەرێمی کوردستان دەستی پێ کرایەوە.

بنکەی ھەواڵیی بەغدا ئەلیەوم بە گێڕانەوە لە کاربەدەستێکی ئاسایشتییەوە ڕایگەیاندووە کە فڕۆکەیەکی تورکیا گوندی «ئەدەنیە» لە پارێزگای «دھۆک»ی بوردومان کردووە.

ئەم سەرچاوەیە کە ھیچ ئاماژەیەک نەکراوەتە ناوەکەی وتیشی: دوابەدوای ئەم ھێرشە سێ سەرنشینی ترۆمبیلێک کوژران.